Broytingar í lestrarstuðulslógini

Niðanfyri verða tær týdningarmestu broytingarnar nevndar: 

Broytingar 1. januar 2011: 
-Studningurin lækkar úr kr. 2.200 til kr. 1.800 hjá miðnámsskúlanæmingum, ið búgva heima hjá foreldrunum.
-Ferðastudningurin uttanlands lækkar, bæði fyri lesandi og børn teirra. Víst verður til niðanfyri standandi talvu. 
-Lesandi við Heilsuskúla Føroya hava møguleika at søkja um verkætlanarstudning. 
-Verkætlanarstudningurin verður framyvir tann skjalprógvaða upphæddin av ferð millum lond til vanligan ferðaseðlakostnað, tó í mesta lagi upphæddin fyri lesandi sbrt. talvuni niðanfyri. 
-Stuðulsupphæddirnar verða ikki prístalsjavnaðar 1. august 2011 
-Rentan av lestrarlánum hækkar við 2% eftir lestur – úr 1% til 3% omanfyri diskontuna hjá Tjóðbankanum. 

 Ferðastudningurin

Danmark

 Europa
(- Danmark og Grønland)

Aðrastaðni 

 Lesandi 

 kr. 2.400 

kr. 4.000 

 kr. 5.000 

 Børn: 0 – 1 ár 

 kr. 300 

 kr. 500 

 kr. 700 

 Børn: 2 – 11 ár 

 kr. 1.400 

 kr. 2.300 

 kr. 3.500 

Børn: 12 – 16 ár 

kr. 2.400 

kr. 4.000 

kr. 5.000 

  Broytingar 1. august 2011: 
- Studningurin verður inntøkujavnaður í mun til egna A-inntøku. Er miðal útgoldna A- inntøkan hjá umsøkjaranum undir kr. 10.000 um mánaðin í lestrartíðini, verður eingin inntøkujavning í studninginum. Fer útgoldna A-inntøkan upp um kr. 10.000, verður inntøkujavnað í studninginum stigvíst í mun til A-inntøkuna. Kunnað verður nærri um inntøkujavningina áðrenn skipanin verður sett í gildi. 
- Harafturat er ætlanin at skerpa krøvini nakað hjá miðnámsskúlanæmingum, ið leiga. Í § 7, stk. 3 í lógini er m.a. heimild at áseta treytir í samband við leigu av bústaði. Ætlanin er í kunngerð at nágreina reglurnar á leið soleiðis: 
Øll, ið leiga, skulu: 

• saman ið lestrarstuðulsumsóknini viðleggja bústaðarváttan frá Landsfólkayvirlitinum ella kommununi.  
• flyta leiguupphæddina á kontu í peningastovni. Bert hesin gjaldsháttur verður góðkendur av Studna.  
• eftir áheitan frá Studna, skulu tey, ið leiga, leggja húsaleigukvittanir ella kontuavrit fram fyri hvønn mánað í  stuðulsárinum. Talan skal vera um flyting gjøgnum peningastovn, ið skal lúka hesi krøv: 
• at tað sæst á flytingini, at talan er um húsaleigu,  
• at tað sæst, hvør leigarin og útleigarin er,  
• at húsaleigan fyri hvønn mánað minst er kr. 1.200,  
• at flytingarnar eru dagførdar, t.v.s. at tær verða gjørdar mánaðarliga,  
• at tað framgongur, hvønn mánað goldið er fyri.